Plantun de Prouvènço

Pèr coumpara dos planto d'encò nostre

Riccia glauca & Cyperus esculentus

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...

Port : Tale coumplèisse
Taio : 0,3 à 0,4 cm
Fueio : ges
Tipe bioulougico :
Cicle bioulougico : Planto renadivo

Gènre : Riccia
Famiho : Ricciaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca (Si)
Autour basso e auto : ?
Aparado : Noun

Liò : Terro argielouso - Champ cultiva - Garrigo
Estànci : Mesoumediterran à Subaupen
Couroulougi : Oulartico
Ref. sc. : Riccia glauca L., 1753

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.